 |
| An indigenous Tagalog woman. Late 1880s. |
QUETANG LEBASAN MING VILLA
Ing quequeng iparamdam,
samasnan yeng uliñgiran,
‘bie pu ing quequeng lebasan,
aniang ibat que Canlubang.
Nung atin mang mesambitla
caring laguiu ring aliua,
‘bie ra sang ipanupaya
uling iti e mi seria.
Quetang lebasan ming villa,
ating metung a dalaga
cabalitan ing leguan na
ing laguiu na canu MARIA.
(Acu naman pu y Totoy
Orling ne man pu’ing canacu
Y’acu naman pu y Baby
purus que ñgan pung babaeru!)
Piglolon mi ya iqueñgan
liuas-liuas mamanican
metung man alang teñguanan
atin ne palang quetipan!
Ya pamo ing aburi mi
cabalugbug yang cauali,
caipan ya pang lagari
capambuc yang baluluñgi!
Metung pa ing ugali na
nitang pignasan ming Maria
e biasang magcamisola
pirmi ya mung macapalda!
Ing palda nang misnang bantut
lele me, e ca misañgut
ala yang queliuang bantut
quetang “bandi” nang sisinup!
Butit nang pañgañgauilian
biyug na, alang pilatan
meniaguit no qñg pitaclan
cambing ya uaring bulugan!
Ing quequeng tibuan ing Capampañgan
provincia ming pacamalan
tinatag mi ya iting aguman
para caring mañgailañgan!
